ხშირად დასმული კითხვები
რა არის სამედიცინო დაწესებულების აკრედიტაცია?
დამოუკიდებელი, გარე შეფასება, რომლის დროსაც საერთაშორისოდ აღიარებული ორგანიზაცია ამოწმებს, აკმაყოფილებს თუ არა დაწესებულება ხარისხისა და პაციენტის უსაფრთხოების სტანდარტებს.
ვინ იღებს აკრედიტაციის გადაწყვეტილებას?
მხოლოდ Accreditation Canada, მისი სერტიფიცირებული შემფასებლების ვიზიტის საფუძველზე. ადგილობრივი გუნდი ამზადებს და მხარს უჭერს დაწესებულებას, მაგრამ აკრედიტაციას არ ანიჭებს.
სავალდებულოა თუ არა აკრედიტაცია საქართველოში?
საყოველთაო ჯანდაცვის სახელმწიფო პროგრამის მიმწოდებლებისთვის სავალდებულოა, ჯანდაცვის სამინისტროს ბრძანება №4/ნ-ის მიხედვით. „სოფლის ექიმის“ ქვეპროგრამის მიმწოდებლებზე არ ვრცელდება.
რა ვადა აქვთ ამბულატორიებსა და ლაბორატორიებს?
ამბულატორიულმა, დღის სტაციონარისა და ლაბორატორიული მომსახურების მიმწოდებლებმა სერტიფიკატის ასლი სამინისტროს 2026 წლის 31 დეკემბრამდე უნდა წარუდგინონ.
სტაციონარებისთვის რა ვადა იყო?
სტაციონარებისთვის ვადა იყო 2025 წლის 15 ივნისი; აკრედიტორთან ხელშეკრულების მქონე დაწესებულებებს შეიძლებოდა მისცემოდათ დამატებითი ვადა არაუგვიანეს 2025 წლის 31 დეკემბრისა.
რა ხდება, თუ დაწესებულება ვადას ვერ ასწრებს?
2026 წლის 30 ივნისიდან მინისტრს შეუძლია ობიექტური გარემოებების გამო საგამონაკლისო პირობების განსაზღვრა, თუ ეს ხარისხზე გავლენას არ ახდენს. დაწესებულება წარადგენს ინფორმაციას პროცესში მიღწეული შედეგის შესახებ, ამიტომ პროცესის დაწყება ყოველთვის მნიშვნელოვანია.
ვის შეუძლია საქართველოში აკრედიტაცია?
ორგანიზაციას, რომელიც ISQua-ს წევრი და მის მიერ აკრედიტებულია და აქვს პრაქტიკა ევროკავშირში, კანადაში ან აშშ-ში, ან ევროკავშირის ქვეყანაში მოქმედ ადგილობრივ მააკრედიტებელ ორგანოს. Accreditation Canada რეკომენდებულ სიაში პირველია.
შეუძლია ამბულატორიას ISO 9001-ის წარდგენა აკრედიტაციის ნაცვლად?
დიახ, ბრძანება ამბულატორიული მიმწოდებლებისთვის ISO 9001-ს დასაშვებ ალტერნატივად განიხილავს.
სჭირდება თუ არა ლაბორატორიას ISO 15189?
დიახ, თუ დაწესებულებას საერთაშორისო აკრედიტაცია არ აქვს. აკრედიტებულ დაწესებულებებსა და ლაბორატორიებზე ეს ვალდებულება არ ვრცელდება.
რა ვადაში უნდა ვაცნობო სამინისტროს აკრედიტაციის დაწყების შესახებ?
აკრედიტაციის პროცესის დაწყებიდან 30 კალენდარული დღის განმავლობაში, თუ ორგანიზაცია რეკომენდებული სიიდანაა. სხვა ორგანიზაციის არჩევისას საჭიროა წინასწარი შეთანხმება.
რომელი დაწესებულებები შეიძლება აკრედიტდნენ?
საავადმყოფოები, ამბულატორიული კლინიკები, ლაბორატორიები და დიაგნოსტიკური ცენტრები. Accreditation Canada-ს ცალკე პროგრამები აქვს სამედიცინო ლაბორატორიებისა და დიაგნოსტიკური გამოსახულების სერვისებისთვის.
რა არის Qmentum International?
Accreditation Canada-ს საერთაშორისო აკრედიტაციის პროგრამა, რომლის სტანდარტებს Health Standards Organization (HSO) ადგენს. ის ფოკუსირებულია პაციენტის უსაფრთხოებაზე, მართვასა და მუდმივ გაუმჯობესებაზე.
რა დონეები არსებობს?
Qmentum International-ში აკრედიტაცია სამ დონეზე ენიჭება: Gold, Platinum და Diamond. საქართველოს 9-მა დაწესებულებამ Platinum მიიღო.
რამდენ ხანს გრძელდება მომზადება?
დამოკიდებულია დაწესებულების ზომასა და ამჟამინდელ მზადყოფნაზე; ჩვეულებრივ რამდენიმე თვიდან ერთ წლამდე. რეალისტურ ვადას პირველ კონსულტაციაზე ვადგენთ.
რა ენაზე მიმდინარეობს მომზადება?
ყველა კონსულტაცია, შეხვედრა და სწავლება ქართულ ენაზე ტარდება; სტანდარტების ყველა მოთხოვნას ქართულად განვმარტავთ.
როგორ მიმდინარეობს შემფასებლების ვიზიტი?
სერტიფიცირებული შემფასებლები რამდენიმე დღის განმავლობაში აკვირდებიან მუშაობას, ესაუბრებიან პერსონალსა და პაციენტებს, ამოწმებენ დოკუმენტაციასა და მტკიცებულებებს.
რა ხდება, თუ რომელიმე სტანდარტი არ სრულდება?
შემფასებლები აღრიცხავენ გასაუმჯობესებელ საკითხებს, დაწესებულება კი ადგენს და ასრულებს მაკორექტირებელ ქმედებებს. აკრედიტაცია ხარისხის მუდმივ გაუმჯობესებას ეფუძნება.
რამდენ ხანს მოქმედებს აკრედიტაცია?
აკრედიტაცია პერიოდულად ახლდება მააკრედიტებლის მიერ დადგენილი ციკლით; ამ პერიოდში დაწესებულება აგრძელებს გაუმჯობესებას და ანგარიშგებას.
რას მოიცავს ადგილობრივი მრჩეველთა სერვისი?
პირად კოორდინატორს, 10 ექსპერტის მხარდაჭერას, ონლაინ და ადგილზე სწავლებას, პაციენტის ხმის პაკეტს, გარემოს მონიტორინგს, SOP-ებს და ვიზიტის სიმულაციას.
ვისთვისაა ხელმისაწვდომი მრჩეველთა სერვისები?
მხოლოდ იმ სამედიცინო დაწესებულებებისთვის, რომლებსაც Accreditation Canada-სთან ხელშეკრულება აქვთ გაფორმებული.
რა არის პაციენტთა საბჭო?
პაციენტებისა და საზოგადოების წარმომადგენლების ჯგუფი, რომელიც საავადმყოფოს წარმომადგენელთან ერთად ყოველთვიურად იკრიბება, განიხილავს პაციენტების უკუკავშირს და ათანხმებს გაუმჯობესების ქმედებებს.
რას აძლევს აკრედიტაცია პაციენტს?
უსაფრთხო გარემოს: პაციენტის სწორ იდენტიფიკაციას, მედიკამენტების უსაფრთხო გამოყენებას, ინფექციის კონტროლს, დაცემის პრევენციას და ინფორმირებულ მონაწილეობას საკუთარ მკურნალობაში.
სად ვნახო საქართველოში აკრედიტებული დაწესებულებები?
გვერდზე „აკრედიტებულები“ და Accreditation Canada-ს საერთაშორისო რეესტრში accreditation.ca-ზე.
რამდენი დაწესებულება ჩაერთო Accreditation Canada-ს პროგრამაში საქართველოში?
23 დაწესებულება; მათგან 9-მა 2025 წლის თებერვალში Platinum აკრედიტაცია მიიღო.
რით განსხვავდება აკრედიტაცია ლიცენზიისგან?
ლიცენზიას სახელმწიფო გასცემს და ის მინიმალურ მოთხოვნებს ამოწმებს; აკრედიტაციას დამოუკიდებელი ორგანიზაცია ანიჭებს და ის ხარისხისა და უსაფრთხოების მაღალ, საერთაშორისო სტანდარტებს აფასებს.
უფასოა თუ არა თქვენი რესურსები?
დიახ. 142 პაციენტის ბუკლეტი, 10 პოსტერი და 56 ორიენტაციის ნიშანი უფასოა ნებისმიერი სამედიცინო დაწესებულებისთვის.
ატარებთ თუ არა ტრენინგებს?
დიახ. 2025 წელს ყველა კლინიკისთვის 13 უფასო ტრენინგი ჩატარდა, ხოლო პარტნიორ დაწესებულებებს ყოველთვე ორი ონლაინ კურსი და კვარტალური სწავლება ადგილზე აქვთ.
შეუძლია თუ არა მცირე კლინიკას აკრედიტაციის გავლა?
დიახ. საერთაშორისო აკრედიტაცია შესაძლებელია სხვადასხვა ტიპისა და ზომის სამედიცინო დაწესებულებისთვის; პროგრამა დაწესებულების პროფილს ერგება.
სად მდებარეობს ოფისი?
თბილისში, ბეთლემის აღმართი 3. ოფისს საქართველოს საზოგადოებრივი ჯანდაცვის ინსტიტუტი მართავს.
როგორ დავიწყოთ?
მოგვწერეთ info@accreditation.ge-ზე, WhatsApp-ზე +995 577 41 63 14 ან შეავსეთ საკონტაქტო ფორმა. პირველ კონსულტაციაზე შევაფასებთ მზადყოფნას და შემდეგ ნაბიჯებს შევთანხმდებით.
გსურთ შეაფასოთ თქვენი მზადყოფნა?
პირველ კონსულტაციაზე განვიხილავთ თქვენს დაწესებულებას და შემდეგ ნაბიჯებს.
გააზიარეთ ეს გვერდი
accreditation.ge
გვერდი
აკრედიტაცია: ხშირად დასმული კითხვები
https://accreditation.ge/faq/როგორ მივუთითოთ ეს გვერდი
Accreditation Canada – Georgia. აკრედიტაცია: ხშირად დასმული კითხვები [Internet]. Tbilisi: Public Health Institute of Georgia; 2026 [cited 2026 Oct 13]. Available from: https://accreditation.ge/faq/