.png)
18/09/2023
ავტორი: ირინა დათაშვილი
საქართველოში მძიმე დაავადებათა სიაში შეტანილი ლეპტოსპიროზის შემთხვევები დადასტურდა. თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში ამ დროისთვის ინფექციას 3 პაციენტი ებრძვის.
ბაქტერია, ღია წყლებში, ტბესა და ჭებში ცხოველის ექსპრემენტების მოხვედრით ვრცელდება, თუ დაბინძურებული წყალი ადამიანის ორგანიზმში აღმოჩნდება დაინფიცირების შანსი 98 პროცენტია. პრევენციის ერთ-ერთ საშუალებად ნაგავსაყრელების მოწესრიგება და ცხოველების მონიტონგი მიიჩნევა.
ინფექციონისტები გვირჩევენ, რომ ქალაქ გარეთ ვიზიტისას განსაკუთრებით დიდი ყურადღება მიავაქციოთ ჰიგიენის ნორმებს და დალიოთ მხოლოდ სუფთა წყალი.
რა სიმპტომები ახასიათებს დაავადებას: პირღებინება, მაღალი ტემპერატურა, გამონაყარი, მენინგიტი და სისხლჩაქცევები. ასევე, ქვედა კიდურის კუნთების და წელის ტკივილი, თვალის სიწითლე და ა.შ.
დაავადებათა კონტროლის ეროვნული ცენტრი მიერ გამოქვეყნებული სტატისტიკის თანახმად, ლეპტოსპიროზის დადასტურებული შემთხვევების რაოდენობა წლიდან წლადმე მცირდება. თუ 2019 წელს საქართველოში 403 ფაქტი გამოვლინდა 2020 წელს ამ მონაცემმა მხოლოდ 154, 2021 წელს კი 129 შეადგინა.
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
Comments