.png)
12/02/2021
გიორგი ფხაკაძე იაგო ფრანგიშვილის პოსტს პასუხობს:
„ვკითხულობ ამ სტატიებს და ვხედავ, ვერ არის ჩვენი საქმე კარგად. აქეთ რუსი ოკუპანტების პროპაგანდა თავისი ქართველი სატელიტებით და მე-5 კოლონით, ცალკე ქართველი “ვაი ექსპერტები” და იქეთ ხომ, საერთოდ, “ქართველები უცხოეთში” (მეც ამ კატეგორიაში გავდივარ, ალბათ, ნაწილობრივ). ქართველები მთელი მსოფლიოდან,, ზოგი გერმანიიდან, ზოგი ამერიკიდან, ზოგი ჯანდაბიდან, რას ბოდიალობენ, კაცმა არ იცის (ყველა არა, რა თქმა უნდა) …
უცხოეთში თუ არის ექიმი, არ ნიშნავს, რომ მან “ყველაფერი იცის”. მან იცის თავისი ვიწრო სპეციალობა ან/და თავის საავადმყოფოს ფარგლებში თუ რა ხდება. რეალობაში კი ისიც არ იციან, მაქსიმუმ თავისი დეპარტამენტის ფარგლებში აქვთ კომპეტენცია და ექსპერტიზა.
ახლა ვკითხულობდი ამ ბატონის პოსტს და მეცნო სურათი და ფრაზები. ათასობით ანტივაქსერი რომ მყავს დაბლოკილი, საკმაოდ ხშირად იყო ამ ბატონის სურათები/სტატიები და რიტორიკა/ფრაზები.
გავიგეთ, რომ არაკომპეტენტურია, რასაც საუბრობს (ალბათ, თავის ვიწრო სპეციალობაში კარგი ექიმია) და ამას ემატება ის, რომ უბრალოდ მავნებლობას სჩადის. ასეთი მანიპულაციური სტატუსების ტირაჯირება რა ვიცი…
პროფესიონალი როცა წერს, ასაბუთებს თავის მოსაზრებას, უბრალოდ, ზრდილობის საკითხია,. წყარო მაინც რომ მიუთითოს კარგი იქნება.
რას ნიშნავს – “ერთადერთი, ვინც აბსოლუტურად დაცულია კოვიდისგან, ესაა კოვიდგადატანილი?!” სად არის წყარო?! სად არის კვლევები?! რას ბოდიალობს?! დაესიზმრა?! არაერთი ათეული კვლევა დევს ჩემს ფეისებუქზე თავისი წყაროებით, რომ კოვიდგადატანილი არ ნიშნავს კოვიდისგან დაცულს!
ზუსტად ასეთ ბატონებს ვეძახი მე “უნიტაზის ექსპერტებს”!
ამოვიდა ყელში კოლეგიალობა! ყველაფერს ააქვს საზღვარი!
შეიძლება, შეგეშალოს, შეიძლება, რაიმე გამოგეპაროს, შეიძლება, ბოლო სიახლის წაკითხვა, ვერ მოასწრო, მაგრამ მიზანმიმართული დეზინფორმაცია ეს არის ერის წინაშე დანაშაულის ჩადენა!
საქართველოში თუ საზღვარგარეთ მოღვაწე კოლეგებს მივმართავ – ჩვენი სამშობლო არის გასაჭირში და ჩვენ უნდა დავეხმაროთ მას ჩვენი კომპეტენციის ფარგლებში! ვინც ვერ გაიგო, განვმარტავ: კარდიოლოგმა – კარდიოლოგიაში, ქირურგმა – ქირურგიაში, პედიატრმა – პედიატრიაში, ეპუდემიოლოგმა – ეპიდემიოლოგიაში.
საქართველოში ისედაც საკმარისი “ყველაფერჩიკები” არიან!
ექიმი იაგო ფრანგიშვილი:
,,მწვანე თუ რა ფერის იქნება პასპორტი, ეს აუცილებელია,
და ეს სულაც არ ნიშნავს, რომ ალტერნატივას, ანუ ტესტირებას და უარყოფითად დატესტილი სწრაფი ტესტით სრულიად თანაბარი უნდა იყოს პასპორტიანისა, არ ითვლებოდეს ასევე მისაღებად.
ნებისმიერი აცრილი შეიძლება იყოს ვირუსმატარებელი და აქ თუ თვალის დახუჭვა მოსულა და მიღებულად ითვლება საზოგადოების მიერ,
ასევე მიღებულად უნდა ჩაითვალოს უარყოფითად დატესტილის თავისუფლებაც.
ანტიგენის სწრაფი ტესტი ძალიან ეფექტურია ვირუსის რაოდენობრიობის მიზნით- თუ ტესტი უარყოფითია, და თუ ადამიანი ატარებს პირბადეს ახლო ურთიერთობაში, კორონას გადადების შანსი ნულია.
სანამ საქართველოში კითხვის და დისკუსიის საგანი არ გახდება კოვიდ პაციენტის კატასტროფული მართვა და სანამ არ მოხდება კოვიდთან მიმართებაში ექიმების მხრიდან უსაშინლესი პოლიმედიკაციის პრაქტიკის შეცვლა,
მანამ ყველას ვურჩევდი ან აცრას და ან სიფრთხილეს, მინიმალურ ჰიგიენას, ან ორივეს ერთად.
ერთადერთი, ვინც აბსოლუტურად და 99,9% დაცულია კოვიდისაგან, ესაა კოვიდგადატანილი.
დარწმუნებული იყავით აბსოლუტურად ყველა – ან გქონდათ კოვიდთან კონტაქტი და ან მომავალი სამი თვე და ყველას ექნება.
წარმოუდგენელია რომ აეროზოლური ვირუსი რაიმე ფიზიკურ მედიკამენტური საშუალებით არ მოგეკაროს.
ეს არ ნიშნავს დაავადებას და ეს არ ნიშნავს სიმპტომებისას ჰოსპიტალიზაციას.
კოვიდის დროს უმთავრესად გასათვალისწინებელია ის, რაც შეიძლება კოვიდით იქნას პროვოცირებული და რასაც უნდა ის მკურნალობა, რომელიც კოვიდამდე ვიცოდით.
ერთადერთი დაგვიანება კოვიდის დროს არის მხოლოდ ის, რომ არ ითვალისწინებ ცნობილ დაავადებებს.
რას გავაკეთებდი მე რომ საქართველოში ვიყო და ამ ვექტორული თუ მრნმ ვაქცინებით აცრის პანიკურად მეშინოდეს?
არის ალტერნატივა და ძველი მეთოდით დამზადებული აცრა, სინოვაკ სინოფარმი, რომელიც დაავადების სიმძიმეს ნაღდად ამცირებს.
თუმცა, სანამ კოვიდის კატასტროფული მართვა არ შეიცვლება და არ გამოსწორდება, მანამ ასე გაგრძელდება სიკვდილიანობა და განსაკუთრებით კი დაბალი ასაკის ადამიანთა სიკვდილიანობა,
იმ დრომდე, როცა მოსახლეობის მინიმუმ 70% არ მოიხდის კორონას.
დღეის მონაცემებით 900.000მდეა ცნობლი კოვიდგადატანილი და იმ 70% ზრდასრულისაგან არც ისე შორს ვართ.”
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
Prepared by: ირინა დათაშვილი #datashvil
Comments