.png)
12.10.2021 Rustavi2
თუ ადამიანი რეანიმაციაში მოხვდება, მისი გადარჩენის შანსი დაბალია - გიორგი ფხაკაძე მოსახლეობას ვაქცინაციისკენ მოუწოდებს
პროფესორი, საზოგადოებრივი ჯანდაცვის ექსპერტი გიორგი ფხაკაძე კიდევ ერთხელ განმარტავს, რომ პანდემიის დამარცხების ერთადერთი საშუალება ვაქცინაცია და პირბადეა. ფხაკაძე მიმართავს ექიმებს რეკომენდაციით, რომ მათი 100% აიცრას.
"ორი ყველაზე კარგი ვაქცინაა მსოფლიოში, ეს არის "ფაიზერი" და "მოდერნა". ვფიქრობ, უნდა ვიყოთ სტრატეგიულები, ჯერ მოზრდილი ადამიანები არ აცრილან და უკვე ბავშვებზე დავიწყეთ კონცეტრირება. კონცეტრირება უნდა მოხდეს სამედიცინო პერსონალზე, პედაგოგებზე. ვთვლი, რომ უნდა გამოვიყენოთ საფრანგეთის მაგალითი, საფრანგეთში სამედიცინო პერსონალი, ექიმები, სოცმუშაკები, 100%-ით არიან აცრილები. თავიდან იყო პროტესტი, მაგრამ 1 კვირაში დასრულდა.
არის პროფესიები, სადაც "ფაიზერით" ვაქცინაცია სავალდებულო უნდა იყოს, როგორც ისრაელმა გააკეთა, სასწავლებლებში, მასწავლებლები, მანდატური, ტექნიკური პერსონალი უნდა იყოს 100 %-ით აცრილი, ამის შემდეგ უკვე მომსახურების სფეროში, სადაც ადამიანებს აქვთ ურთიერთობა, ახლო კონტაქტი, უნდა შევამციროთ რისკები. შემდეგი ეტაპი უნდა იყოს კოვიდ-საშვი,"-განმარტავს გიორგი ფხაკაძე.
გიორგი ფხაკაძემ მსოფლიო გამოცდილებაზეც ისაუბრა და თქვა, რომ იმ ქვეყნებში, სადაც მასობრივი ვაქცინაცია ჩატარდა, სიკვდილობა თითქმის არ ფიქსირდება.
"სიკვდილობა თითქმის ნულამდე დავარდა, რეანიმაციული განყოფილების თითქმის განთავისუფლება და ძალიან ნაკლები გავრცელება მოსახლეობაში. ბრიტანეთში ჩატარებული კვლევით დავინახეთ, რომ ვირუსი ვრცელდება, მაგრამ არ კლავს. მოდით სიმართლე ვთქვათ, თუ ადამიანი საქართველოში მოხვდა რეანიმაციულ განყოფილებაში, მისი გადარჩენის შანსი არის ძალიან დაბალი, თავს ნუ ვიტყუებთ. ყველაფერი უნდა გავაკეთოთ, რომ მოქალაქეები არ მოხვდნენ რეანიმაციაში, ორი რაღაც არის გასაკეთბელი, "ფაიზერით" აცრა და სამედიცინო პირბადე,"- აღნიშნა "დღის კურიერში" გიორგი ფხაკაძემ.
Professor Giorgi Pkhakadze, MD, MPH, PhD
Профессор Гиорги Пхакадзе. #ПрофессорПхакадзе
PS: Lali Moroshkina ლალი მოროშკინა - მწვადი http://www.nplg.gov.ge/bios/ka/00006868/
Comments